خاطرة ابكت اكثر من 500 شخص
قرأتها فأعجبتني وأثرت في نفسي وأحببت أن تشاركوني بها
وهي للشاعر إياد المريسي
ثقيله هالدقايق
اذا كان الوجع
بـ عمر ..انسان
ثقيله يا ثواني
هي بداية (تمر ازمان )
بغيضه يالدموع اللي على خدين طفله
بعمر الورد/ وكبر الجرح
حزينه يا الاماني ..ليه ؟ّ
انا مدري وش اللي ماخذينه بس!!
انا مدري من المسؤل ؟!
عن الحصه / عن التلميذ / وآخر درس
انا مدري ..
انا ليه اكتب حروف اللحين ؟!!
احاولاشرح ..الحزن الدفين
بثرثرات حروف وغصت عين
حكاية من حرم طفله..
تحس بضحكة الاطفال..
صباح العيد
حكاية (آآآآآه )..في حلق حيرتها
ورجفة أيد ..
وتتنهد في جدار القبرساعة
كنها ظلم الليالي ..بوحشة بيد
ومع أول دقايق سالفتنا ..
على شارع حمل ثوب الحداد
وحشرجات ..القبر ..
بسرعه مر
مع الوعد الذي ما قدر يوفيه
مع اسماع طفله ما تعرف الحزن !
او .. كانت ما تعرف الحزن ..
تغرد له بصوتها النعسان ..
وتعزف أعذب الالحان ..
(يبه ..عمري ..حبيبي
لا تْأخر
ابي ترجع قبل ما انام ..
ابي اتلحف حنانكفي
تصبحين بخير .. مع بوسه على خدي ..
يبه وانام ..
وقبل ما انسى ..يايبه اسمع ..
ابي دفتر رسم أحمر
وابي اقلام للتلوين ..
وابي فستان مثل لون
الشموس اصفر ..
وابيك انته ..تلبسني ..
تحمل يا يبه ارجوك ..
تمهل يا يبه ارجوك ..
شوي /// شوي )
وكان آخر ..وصاياها ..
وعلى غفله تهور ..
مع سرعة بدون حساب ..
ينادي هالرصيف الموت ..
ينادي له ..تعال تعال تعال تعال..
وانتهت قصةعمر ..انسان
وابتدت حيرة..يتيمه ..
ما اكملت عامها التاسع ..
يضيق بدمعها ..
صمت الشبابيك.. الكئيبه ..
على الجدران ..
تحاول تنحر اجابة هالسؤال اللي
تفجر في قصيدة حزن
بلا..عنوان ..
(يبه وينك؟!
تعبت انتطر ..
تعبت أتخيل ايدينك ..
يبه وينك
تعبت أسأل زوايا البيت ..
تعبت أسأل ثوبك المكوي
تعبت آشم عطرك
واحضن غيابك ..
تعبت اكذب على دمعي
وارتب عيني وثيابك
يبه وينك؟!
الف الدار ..واتذكر .
هنا ..يمشي
هنا يجلس ..
هنا يضحك ..
هنا كنا على شانه
نجي نسهر ..
يبه وينك ..
ويقطع حزن هالافكار ..
باب الدار
واصيح بصوت واتحشرج ..
منو بالباب ؟!..منو اللي دق هذا الباب؟!
انا مابي لعب ..واقلام
انا مابي هدايا
انا ما ابي اشوف اصحاب ..
يبه وينك ؟!
يبه .. يرضيك حالي اللحين ؟!
كرهت المدرسه والدرس ..
ولا حد فيني حس
تذكرني بغيابك شهاداتي ..
معلمتي
وباب المدرسه
والدرس
اصحابي وعلاماتي ..
يبه وينك ؟!
كلامي يا يبه حارق
كلامي مر
وانا اقرا في الدفاتر هنا ..
(يوقع ولي الامر)
من اللي فرحتي تتكحل بعينه ؟!
وضحكاته
يبه ..وينك ..؟!
نجحت ..وتختنق فرحه
وسط صدري ..
تجيني الناس وتبارك .
وهذا الحزن بي حارث ..
ولا تدري
باني يتيمه ..
والسبب حادث.. )
وبدت تذرف دموع
تشق صدر الليل
سواده حيل يشبه له شعرها ..
يشبه له غيابالاب..
غايبه ..
ما وراه غياب..
ولا يمكن يعوضه ..
القريب / الاخ / والاصحاب
ثقيله هالدقايق
اذا كان الوجع..بـ عمر ..أانسان
بغيضه يالدموع اللي على خدين طفله
بعمر الورد
حزينه يا الاماني ..ليه ؟ّ
حزينه يا الاماني ..ليه ؟ّ
.
.
الاثنين, 24 جمادى الثانية, 1428
أضف تعليقا
اضيف في 24 رجب, 1428 11:51 ص , من قبل shydream
الخت العزيزه re5em
شكرا لفيض نقاءك
شكرا لأنك شاركتنا في هذه الخاطرة الجميله
ترنيمة حزن اي نعم لكنها عذبة ايضا
انا اقول انها ستبكي الملايين لو اطلعوا عليها
دمت رائعة الأختيار
شكرا لك
من العـــــــــshydream ــــــــــراق
اضيف في 15 شعبان, 1428 11:47 ص , من قبل ya79za
من الأردن
من الأردن
جميلة جدا اتمنى لك التوفيق
وادعو الله ان يفرج كرب جميع المسلمين
اضيف في 25 رمضان, 1428 09:25 ص , من قبل oomar81
من مصر
من مصر
ياااااااااااااااا الله
اكثر من رائعة
قصيدة حزينة مؤثرة جدا جدا
كلماتها تصل الى القلب مباشرة
دمتى لنا بخير
مختار عمر
اضيف في 01 شوال, 1428 04:47 م , من قبل samra1981
من المملكة العربية السعودية
من المملكة العربية السعودية
كلمات موثرة وحزينه جدا
يعطيك العافيه
اضيف في 05 شوال, 1428 12:46 م , من قبل gzal2008
من المملكة العربية السعودية
من المملكة العربية السعودية
حبيبتيؤ
كم نبكي الايام وتبكينا
وكم نبكي على احباب رحلوا ولكن تبقى ارواحهم فينا
ما اجمل ما نقلت عيناك
صديقتك غزل
اضيف في 10 ذو الحجة, 1428 03:39 م , من قبل magna2002
من المملكة العربية السعودية
من المملكة العربية السعودية
كلام رائع فعلا
انا ماقدر اقول فيه شي
اعطيه 12 من عشرة
أضف تعليقا
<<الصفحة الرئيسية
.
.
من المملكة العربية السعودية
الله ...
كلمات مؤثرة بالفعل ..
الله ..
أحسست بحزن الطفلة ..
وكان السبب حادث ..
لك مني أرق التحيا
وبصراحة كلمات روعة
لا حرمنا الله من تألقك ..
تحياتي الحااارة
الخط الساخن